Аляксандр Карлюкевіч павіншаваў калектыў рэдакцыі часопіса ”Алеся“ з 95-годдзем з дня выхаду першага нумара часопіса

Міністр інфармацыі Рэспублікі Беларусь Аляксандр Карлюкевіч павіншаваў калектыў рэдакцыі часопіса ”Алеся“ з 95-годдзем з дня выхаду першага нумара часопіса.

“Выданне стала сапраўдным летапісцам гісторыі жаночага руху ў Беларусі, а таксама жыцця беларускіх жанчын. Нягледзячы на змену гістарычнай эпохі, часопіс застаўся верным сваёй традыцыі – нязменна захоўваць светлы вобраз беларускай жанчыны”, – гаворыцца ў віншаванні.

Аляксандр Карлюкевіч адзначыў, што сёння ”Алеся“ робіць важкі ўклад у папулярызацыю ў грамадстве ролі жанчыны, распавядаючы сваім чытачам аб сямейных каштоўнасцях, раўнапраўі, сацыяльнай падтрымцы і дасягненнях жанчын, зацвярджае ў сэрцы кожнага чытача гуманістычныя ідэалы.

Міністр пажадаў калектыву рэдакцыі творчага натхнення, новых прафесійных здзяйсненняў і шчырай удзячнасці чытачоў.

Інфармацыя падрыхтавана па матэрыялах Міністэрства інфармацыі Рэспублікі Беларусь